(ВИДЕО) Емотивно обраќање на Трамп-ќе имаме многу мртви

Добивај вести на Viber

Следнава недела ќе биде најтешка, предупреди американскиот претседател Доналд Трамп, нагласувајќи дека во САД нагло ќе се зголеми бројот на починати лица. 

Во синоќешното обраќање до нацијата Трамп рече: 

-Ова најверојатно ќе биде натешката недела, периодов меѓу оваа и следната недела. Ќе има многу мртви, за жал. Најверојатно во Њујорк ќе биде најтешко.

Во борбата против ширењето на пандемијата на коронавирусот, Трамп рече дека ќе распореди припадници на војската во тешко погодените сојузни држави.

-Околу 1000 припадници на американската армија ќе бидат испратени во Њујорк, а меѓу нив има и воени лекари и медицински сестри, истакна американскиот претседател и најави дека 29 милиони дози на лекови против маларија ќе бидат ставени во националните залихи на САД кои ќе бидат наменети за пациентите заразени со Ковид 19. Медицинската и заштитната опрема прво ќе се испорачува на оние на кои се најзагрозени. 

Соединетите Држави имаат најголем број на регистрирани пациенти со новиот вирус. Бројката надмина 300.000, а веќе 8.400 починаа. Според податоците на Универзитетот Џон Хопкинс, само една четвртина од починатите се во Њујорк, поради што болниците и мртовечниците во градот се борат да ги лекуваат очајно болните и да ги погребаат мртвите.