ТЕТОВО: Дворови на пет училишта ќе бидат бесплатен паркинг
Објавено во: Македонија 14 Јуни, 2024
Дворови на пет училишта во Тетово ќе бидат бесплатен паркинг.
Општина Тетово од вторник 18 јуни дворовите на пет училишта ќе ги пренамени како паркиралишта. Образложението е дека се прави со цел да се намали сообраќајниот метеж поради доаѓањето на иселеници и зголемувањето на бројот на возила. Паркирањето таму ќе биде бесплатно.
„Ова ќе го олесни сообраќајот во текот на летото кога нашите иселеници доаѓаат на одмор и имаме поголема посетеност. Исто така, сакаме да апелираме до возачите да ги почитуваат сообраќајните правила, да не ги блокираат постројките на јавниот превоз и да го користат градскиот автобус за да се намали аерозагадувањето и да не се предизвикува сообраќаен хаос“, соопштија од Општина Тетово.
Како паркинг места ќе служат дворовите на основните училишта „Истикбал“, „Лирија“, „Гоце Делчев“ како и двата објекта на Гимназијата „Кирил Пејчиновиќ“.
Кога доаѓаат иселениците има голем метеж.
foto Wikipedia/Ggia