„Тиквеш“ едукација – кое вино со каква храна се конзумира!?

Добивај вести на Viber

Љубителите на виното од денеска имаат уникатна можност да се едуцираат за виното и за најдобрите комбинации со храната уште на самите продажни места. Винарската визба Тиквеш овозможи апликација преку која тие можат полесно да го направат најдобриот избор на вино. Така на информативни таблети поставени на винските полици во поголемите маркети, купувачите можат да се информираат за карактеристиките на секое поединечно вино и тоа кое вино со каква храната се конзумира. Оваа иновација во комуникацијата со потрошувачите засега е достапна во два од маркетите на Веро во Скопје, а во наредниот период ќе биде поставена и на други продажни места. Пo новогодишните празници апликацијата ќе биде достапна и на мобилните уреди со што корисните и едукативни информации ќе стигнат до уште поширок круг љубители на виното. „Обидувајќи се да го направат вистинскиот избор, љубителите на виното често минуваат многу време на винските полици во маркетите. Со оваа апликација не само што им се олеснува изборот, туку добиваат и корисни информации за виното и за идеалниот спој со различните видови храна. Веруваме дека оваа алатка е моќен иструмент за подигнување на винската култура на македонските консументи“, изјави Елена Младеновска Јеленковиќ маркетинг менаџер на Тиквеш. Од почетокот на 2007 година до денес, во рамките на сомелиерските академии организирани од винарницата, се обучени над 600 лица од повеќе од 350 хотелско-угостителските објекти од целата држава. Меѓу нив и персоналот од винскиот ресторан на „Тиквеш“ . На последниот регионален фестивал за маркетиншки комуникации во Ровињ, комуникациска платформа на ВВ „Тиквеш“ на социјалната мрежа Facebook, наменета за подигнување на нивото на вински бон-тон во земјата, се најде меѓу најдобрите проекти од земјите на Балканот.