„Тиквеш“ со раст на добивката и приходите од продажба во 2012 година

Добивај вести на Viber

Винарската визба “Тиквеш“ минатата година ја заврши со повеќекратен раст на нето добивката, достигнувајќи износ од 167.000 денари или 2.700 евра, објави компанијата. Според образложението за финансиските резултати реализирани во 2012 година од винарската визба објаснуваат дека вкупните приходи пораснале за 12,1%, односно за 126,5 милиони денари како резултат на пораст на  приходите од продажбата на странски пазар за 25,3%, односно за 118,2 милиони денари и пораст на приходите од продажба на домашен пазар за 1,4%, односно за 8,3 милиони денари во споредба со 2011 година. Во исто време „Тиквеш“ успеал да ги намали расходите од работењето за 10,9% или за 9,3 милиони денари и помала обврска  за данок на непризнат расход за 1,2 милиони денари, што резултира со повеќекратно зголемување на нето добивката за финансиската година на износ од 167.000 денари, се вели во образложението за финансискиот извештај на винаријата за 2012 година објавено на Македонската берза. „Зголемените трошоци на продадени производи  за 171,6 милиони денари, или за 26% споредено со минатата година, резултираат со намалена бруто добивка од 45,1 милиони денари, или намалување за 11,7“ се вели во објаснувањето. Останатите оперативни приходи и оперативни расходи бележат намалување и имаат позитивен ефект на оперативната добивка од 34,8 милиони денари, со што разликата на ниво на оперативна добивка за финансиската година резултира со намалување од 10,3 милиони денари