ТИНЕЈЏЕР ЌЕ ОДГОВАРА ЗА УБИСТВО ВО ОБИД ПО ГРУПНА ТЕПАЧКА - тешко повредил друго лице со дрвен предмет

Добивај вести на Viber

Тинејџер од Скопје, кој само што го почнал животот како возрасно лице, ќе одговара за Убиство во обид. 

Како што соопштува Министерството за внатрешни работи, СВР Скопје има поднесено кривична пријава против 18-годишен скопјанец, осомничен за „убиство во обид“. 

- СВР Скопје поднесе кривична пријава против С.Д.(18) од Скопје поради постоење основи на сомнение за сторено кривично дело „убиство“ во обид, против А.А.(19) и С.Д.(34) поради постоење основи на сомнение за сторено кривично дело „тешка телесна повреда“ и против Д.Д.(32), С.Д.(50), Р.Џ.(21), С.С.(56), А.Д.(25) и А.Д.(27), сите од Скопје, поради постоење основи на сомнение за сторено кривично дело „учество во тепачка“ - информираат од Министерството за внатрешни работи.

Како што соопштуваат од МВР, на 16 август 2025 во Скопје, по претходна расправија, настанала физичка пресметка помеѓу пријавените, при што првопријавениот со употреба на дрвен предмет го нападнал третопријавениот и му нанел тешки телесни повреди.