ТИТАН УСЈЕ ДОГОВОРИ ГОЛЕМИ ЗДЕЛКИ СО ДВЕ КОМПАНИИ – вредноста на договорите надминува 10 отсто од активата на компанијата
Објавено во: Економија 02 Октомври, 2025 07:44
Големо задолжување одобрија акционерите на Титан Усје по гласањето со кое се овозможи да се реализираат две зделки чија вкупна вредност надминува 18 милиони евра.
Компанијата Титан Усје веќе најави дека се планираат две зделки чија вредност изенсува по 9,2 милиони евра со Шаррцем Ш.П.К. од Косово и со Титан Глобал Финансе ПЛЦ.
Предлогот даден од Одборот на директорите беше усвоен од акциониерите на вонредно Собрание. Со изгласувањето на овој предлог се одобри набавка на голема количина на цемент, петрол кокс и клинкер.
Согласно објавата на Македонска берза, компанијата Титан Усје планира една зделка со Шаррцем Ш.П.К. Косово.
- Заради постоење на взаемен интерес за деловна соработка во рамките на редовното работење, се одобрува Титан Усје АД Скопје да склучува зделки со заинтересирани страни по тековни пазарни услови за слични типови на трансакции и тоа:
Зделка со Шаррцем Ш.П.К. Косово за продажба/купување на: цемент, петрол кокс и клинкер. Чија поединечна или кумулативна вредност за секој производ посебно за период о денот на донесувањето на оваа одлука до одржување на следното годишно собрание ќе надмине износ од 9.200.000 евра, што претставува надминување на 10 отсто од вредноста на активата на друштвото определена врз основа на последните ревидирани финансиски извештаи – се појаснува во објавата на Македонска берза.
Притоа е посочено дека, заради постоење на взаемен интерес за деловна соработка во рамките на редовното работење, давање и земање на земи, кредити и гаранции, се одобрува компанијата да склучува зделки со заинтересирани страни по тековни пазарни услови за слични типови на трансакции.
- Зделка со која Титан Усје дава заем на Титан Глобал Финансе ПЛЦЕ, чија поединечна или кумулативна вредноста посебно за период од денот на доставување на оваа одлука до одржување на следното годишно собрание ќе надмине износ од 9.200.000 евра, но не повеќе од 16.000.000 евра, што претставува надминување на 10 отсто од вредноста на активата на друштвото определена врз основа на последните ревидирани финансики извештаи – се нагласува во документот објавен на берза.
Притоа е истакнато дека се овластуваат членовите на Одборот на Директори да ги преземат сите потребни дејствија за потпишување на договори со заинтересираните страни. Потписник на документот е претседателот на Собранието на акционери, Ангеле Мицевски.
П.О.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Димитриеска-Кочоска: Немам информација дека доцни породилното
ПРЕДНОВОГОДИШНО РИПНАЛЕ ЦЕНИТЕ НА УГОСТИТЕЛСКИТЕ УСЛУГИ: Еве што покажува статистиката
ОД 11 ДЕКЕМВРИ НЕМА ПОВЕЌЕ ВОЗ НА ДЕЛНИЦАТА СКОПЈЕ-ЗЕЛЕНИКОВО: Почнува реконструкцијата на пругата
РКЕ го намали надоместокот за мрежарина за електрична енергија
ДОЦНА НАВЕЧЕР СЕ ПОТПИШУВАА РЕШЕНИЈА: Субвенции за набавка на клима уреди во Скопје
КУПИЛ ДВЕ НАПУШТЕНИ ШТИПСКИ СЕЛА: Косовски бизнисмен бара од Владата да ја гради најголемата фотоцентрала
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
