Тодоров ги покани лекарите на преговори

Добивај вести на Viber

Лична покана до претставниците на штрајкувачкиот одбор упатил министерот за здравство, Никола Тодоров, да седнат повторно на преговарачка маса и да разговараат за можните промени на проектот плаќање по успешност, пренесува Плусинфо Лекарите штрајкуваат веќе 34 дена против одлуката за плаќање по учинок. И покрај тоа што министерот за здравство Никола Тодоров се одлучи да се сретне и да ги ислуша лекарите, тие не се оптимисти дека тој ќе ја промени одлуката за плаќање по учинок. Официјалната средба со министерот ќе се одржи  во наредниве денови, а ќе биде побарано стопирање на спорниот модел додека траат преговорите и исплаќање на нормални плати, а не ја исклучуваат ни можноста да го стават во мирување штрајкот како знак на добра волја. - Досегашните анализи покажуваат извесни аномалии во тој бодовен систем и трошоци кои може дополнително да ги произведе во фондот, како и несоодветност на процедурите. Досегашните резултати од анализата не се охрабровуачки, но и ние разгледуваме други модели кои утре треба да бидат предадени во Министерството и во Владата. Се разгледуваат и други аспекти кои мора да бидат сменети за да се заштити квалитетот на здравствената услуга – посочи Дејан Ставриќ, претседател на Самостојниот синдикат на Клинички центар.