Тодоров најавува целосна реконструкција на Здравствениот дом во Прилеп

Добивај вести на Viber

Целосно ќе се реконструира Здравствениот дом во Прилеп. Како што најави министерот за здравство Никола Тодоров, тоа ќе чини 15 милиони денари. Ќе се санира фасадата, внатрешноста, а се планира и поставување лифт за лицата со посебни потреби. Парите ќе бидат обезбедени преку Министерството за здравство, а помал дел од институцијата појасни Тодоров кој се пофали дека овој здравствен дом, нема долгови и работи со добивка. „Здравствениот дом има приход од 2 милиони денари и тоа многу значи за неговото функционирање, особено учеството во неговата обнова, зашто во него се над 40 концесионери и многу пациенти, па се подобруваат условите за работа на лекарите, но и подобра услуга на пациентите. Министерството за здравство сомногу мерки се обидува да ги намали трошоците. Последните години вкупните долгови се намалиле за 50 отсто, но се зголемуваат трошоците. Забележително е што се зголемени буџетите на Министерството и на Фондот", истакна Тодоров и додаде дека за нова опрема во здравството обезбедени се 100 милиони евра. Според директорот на Здравствениот дом, Петар Ристески реновирањето е во завршна фаза. Информираше дека се набавени се две нови возила за домашни интервенции, нова медицинска опрема, а се чека и стрес апарат, ЕКГ, мобилен стоматолошки сет. Како што информираше министерот, ќе има и нови вработувања на доктори и стручен персонал во Здравствениот дом и во Прилепската болница.