Тодоров тврди дека ДИК за БЕСА донела одлука незаконски
Објавено во: Македонија 19 Декември, 2016
Шефот на изборниот штаб на ВМРО-ДПМНЕ и носител на листа во ИЕ2,Никола Тодоров, денеска на прес-конференција ја образложи тужбата што партијата ја поднесе до Управниот суд за приговорот на БЕСА.
Вели дека имаат докази кои покажуваат дека одлуката на Државната изборна комисија (ДИК), која го прифати приговорот, е незаконска и е „невиден преседан“.
Тодоров кажа дека ВМРО-ДПМНЕ ја поднела тужбата поради „повреди од формално-правен аспект на одредбите од Изборниот законик и подзаконските акти, погрешно и нецелосно утврдена фактичка состојба и погрешна примена на материјалното право“.
Според него, одлуката на ДИК е незаконска затоа што приговорот до ДИК бил поднесен без потпис од овластениот претставник на подносителот на приговоро. Одлуката на ДИК, според ВМРО-ДПМНЕ, е донесена по истекот на рокот од 48 часа утврден со членот 148, став 3 од Изборниот законик.
„Од цитираната одредба, неспорно може да се утврди дека овој рок е преклузивен, што значи дека ДИК не може да постапува и да одлучува по истекот на овој рок. Искрено се надевам и верувам дека судиите на Управниот суд ќе одлучат да ја коригираат оваа незаконска одлука на ДИК и нема да дозволат седум невини луѓе да завршат во затвор заради незаконска одлука на ДИК“- рече Тодоров.
За ВМРО-ДПМНЕ е спорно и графолошкото вештачење на потписот на Сулејмани, бидејќи било направено без издадена наредба за вештачење.
На прес-конференцијата на Тодоров реагираше СДСМ. Тие велат дека „обидот на Никола Груевски преку прес-конференцијата на Никола Тодоров да изврши притисок врз Управниот суд е доказ во каква паника е Груевски од промените што следуваат“.
Тие додаваат дека времето за политичари како Груевски завршило. ВМРО-ДПМНЕ веќе е опозиција, мнозинството граѓани избраа промени, наведуваат од СДСМ. Институциите, вклучувајќи го и Управниот суд, се должни да работат единствено во интерес на граѓаните на Република Македонија, стои во соопштението на СДСМ.
Можеби ќе ве интересира
ПОЧНА ПРЕДИЗБОРНАТА „ВОЈНА“: Во Кичево украден банер со рекламен материјал на политичка партија
ЗА ЛЕТНИ ТЕМПЕРАТУРИ ЌЕ СИ ПОЧЕКАМЕ: И мај ќе го поминеме со постудено време и чести врнежи од дожд
„НА ОВОЈ ДЕН ПОЧИНАА ДВАЈЦАТА НАЈГОЛЕМИ МАКЕДОНЦИ, СЀ ДРУГО БАРЕМ ЗА МЕНЕ Е ЛАГА“: За д-р Беќаровски, четврти мај е македонскиот „Велики петок“
ВАНКОВСКА ПРОГНОЗИРАШЕ КОЈ ЌЕ ПОБЕДИ НА ИЗБОРИТЕ, НО ДАДЕ МИСЛЕЊЕ И ЗА ДРУГИ ВАЖНИ ТЕМИ: „Македонија нема да може да биде ни твоја ни наша“
АНГЕЛОВ НАЦРТА ЦРТЕЖ ЗА БУЈАР ОСМАНИ: „Според Бујар Османи токму тој едниот Албанец од ДУИ е клучен“
ТРИ СТЕПЕНИ ГО ТРЕСЕА НОЌЕСКА СКОПЈЕ: Земјотресот потврден и од Сеизмолошка опсерваторија на Македонија
ГРАДОНАЧАЛНИЧКАТА ДАНЕЛА СЕ РЕКЛАМИРА НА КАМИОНИ: Низ Скопје провозе камион со налепници на партијата на Арсовска
СПАСУВАЧКА ДРАМА НА ЦУК: Повозрасно лице се изгубило на Плачковица, спасителите од „Осогово“ Кочани го најдоа во еден часот утрината
„ПО ВТОР ПАТ СТАНУВАМ СРЕЌЕН СВЕКОР“: Љупчо Бујото доби уште една снаа
