Традиционална македонска храна на саем во Холандија

Добивај вести на Viber

Производителот на традиционална македонска храна MAMA'S се претстави на саемот Ethnic Food Fair, кој се оддржа во Амстердам, Холандија на средината на јануари. „На саемот, како претставници на Македонија и Балканот, беше присутен МАМА’S брендот со своите традиционални домашни рецепти. На присутните, кои секогаш се во потрага по производ кој ќе им приреди вистинско кулинарско доживување, им пренесовме дел од автентичноста на вкусовите на Македонија. Ни беше драго што МАМА’S традиционалните домашни рецепти со големо задоволство беа прифатени од страна на интернационалните посетители како најголеми критичари на убавиот вкус“, информираат од компанијата. „Идеалната комбинација на несекојдневност и уникатен вкус на MAMA'S традиционалните домашни рецепти дополнително ги примами најпознатите холандски готвачи кои ја збогатија нашата креативна кујна со своите инвентивни комбинации. Преку нив успеавме за прв пат да го поставиме Ајварот на пиедесталот каде што заслужува односно да го оправдаме епитетот “Македонски Кавијар”, соопштуваат од МАМА’S.