ТРАГИ КРВ СЕ ГЛЕДААТ НА АВТОБУСОТ, 11 ЗАГИНАА КАЈ АНКАРА: Удрил со страшна брзина во бетонски столб од подвозник
Објавено во: Свет 09 Август, 2024
Трагедија во близина на Анкара во Турција, има ногу загинати и повредени откако патнички автобус удрил во столб од подвозник, пишува агенцијата Анадолија.
Катастрофалната несреќа се случила во близина на областа Полатли во Анкара, при што загинаа најмалку 11 лица, а 26 се повредени.
Автобусот, управуван од Оз Агри Сеш Туризм, се движел од Измир кон Агри кога во раните утрински часови излетал од патот и удрил во столбовите на подвозникот во близина на селото Олукпинар. Регистерската табличка на автобусот била пријавена како 04 AAV 951, но идентитетот на возачот се уште не е потврден.
Службите за итни случаи, вклучително и пожарникарите, веднаш реагираа на местото за да ги спасат заглавените патници во автобусот. Повредените патници се пренесени во блиските болници за укажување лекарска помош.
Гувернерот на Анкара, Васип Сахин, ги потврди првичните бројки за жртвите и напомена дека рутата каде се случила несреќата е затворена за сообраќај.
Автобусот се движеше со голема брзина
Сведокот, Мурат Туркоглу, кој возеше зад автобусот, ги опиша моментите пред несреќата:
„Го оставивме Темели заедно, возејќи блиску еден зад друг. Автобусот се движеше доста брзо, а на околу 3 до 4 километри пред несреќата, почна да скршнува неконтролирано и удри во столбот од подвозникот. Остатоци од автобусот го погодија и нашето возило. Трепкавме со светлата и свиревме, но возачот не забележа ништо, не не слушна“.
фото: Print Screen/AA