Добивај вести на Viber
Турскиот обвинител Селим Кираз, кој беше претходно земен како заложник во Истанбул, почина во болница поради добиените повреди при ослободувањето..
„Селим Кираз добил многу тешки повреди. Го очекувавме тука цело време. Сè беше подготвено за секакви повреди и било каква состојба. Неговото срце престана. И покрај сите напори на лекарите не успеавме да го спасиме“, изјави претставник на болницата во која обвинителот беше хоспитализиран.
Киднаперите на турскиот обвинител влегле во судот со адвокатски облеки
Терористите кои го зедоа Кираз како заложник, влегле во зградата, маскирани како адвокати - со облека, соопшти турскиот претседател Реџеп Таип Ердоган во Романија, коментирајќи ја операцијата во Истанбул.
Операцијата за ослободување на обвинителот траеше околу 15-20 минути.
Полицијата употреби парализирачки гранати и влезе во престрелка со екстремистите. Во кабинетот на обвинителот, каде што тој беше држен, имаше двајца терористи.
Кираз беше земен како заложник од страна на членовите на нелегалната левичарска партија „Народен Револуционерен Фронт за ослободување“ (DHKP-C) во врска со случајот за убиството на жртвата од протестите за паркот „Гези“ Беркин Елван. Тој почина на 11 март 2014 година .
Пред тоа беше 269 дена во кома, откако беше погоден со проектил со солзавец за време на протестите за паркот „Гези“. Кираз бил назначен за обвинител во случајот пред шест месеци.