Трајан Димковски ги објави субвенциите за двајцата земјоделци кои даваа изјави на протестот
Објавено во: Агробизнис 28 Октомври, 2019 12:13
Трајан Димковски, министерот за земјоделство, шумарство и водостопанство, по вчерашниот протест на земјоделците, кој власта го оцени како политички мотивиран, денеска на прес-конференција рече дека двајцата фармери, кои дале изјава за медиумите, веќе добиле пари за субвенции.и ги наведе сумите.
„Не мислам, туку тоа се покажа. Веќе тоа го најавив што очекуваме на последниот прес. Тоа се потврди, дека не само што се мотивирани, туку се и организирани од политичка партија, која самата истакна дека ги поддржува. Само да ви кажам дека токму од земјоделците кои што даваа изјава, едниот за оризова арпа има добиено 130.000 денари субвенции, додека другиот за одгледување овци има добиено 194.000 денари. Мотивот е повеќе од јасен“, рече Димковски, одговарајќи на новинарско прашање дали вчерашниот протест бил политички мотивиран.
Земјоделците вчера преку протестен марш низ скопските улици го изразија својот револт кон власта. Се жалеа на ненавремена исплата на субвенциите, како и на нецелосно исполнување на барањата испорачани пред една година. Организатор на протестот беше Здружението на сточари „Агроцентар“ од Велес, а беше поддржано и од други земјоделски здруженија.
„Самите земјоделци беа тука на оваа маса за да се договараме. Технички за сите оние прашања што се од земјоделски и економски аспект се разговара на оваа маса. Додека за политичките барања нема што да седнуваме и да разговараме ние овдека како Министерство за земјоделство“, додаде Димковски.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
