Трајановски и Тодоровиќ се судрија за паркинзите, граѓаните плаќаат двојни сметки!

Добивај вести на Viber

Недоразбирањата се одвиваат пред очите на  градоначалникот на Град Скопје Коце Трајановски и пред градоначалникот на Центар Владимир Тодоровиќ , но ниту еден од нив досега не ги пресече караниците меѓу двете претпријатија кои ги раководат паркинзите. Паркиралиштата во скопската населба Дебар маало, повторно го отвори конфликтот меѓу општинското претпријатие “Паркинзи Центар” и Јавното претпријатие “Градски паркинг”. За оваа атрактивна локација, каде што има голема фреквенција на возила и добар профит, двете претпријатија очигледно сеуште се немаат договорено. Од друга страна пак нерасчистените сметки на претпријатијата ги плаќаат граѓаните. -Се паркирав на улицата Антонио Грубишиќ, а таму имаше табла на ЈП “Градски паркинг”. Во дозволеното време регуларно преку мобилен телефон пратив смс порака за плаќање, но веднаш потоа дојде вработено лице од претпријатието на општината Центар, кој ми кажа дека тој паркинг иако има табла на Градски паркинг, е на општинското претпријатие “Паркинзи Центар”, вели еден скопјанец кој се паркирал на оваа улица.

Од општинското претпријатие “Паркинзи Центар”, велат дека со таа улица стопанисуваат тие, бидејќи така бил договорот, а Градски паркинг бил должен  да ја тргне таблата. -Кога има вакви случаи ние сме флексибилни и не дозволуваме граѓаните да бидат оштетени.Согласно одлуката на Советот на општина Центар за сервисни и станбени улици на подрачјето на општината, улицата Антоние Грубишиќ е во надлежност на општината и согласно Одлуката за јавни паркиралишта од значење за Центар оваа улица е во надлежност на ЈП “Паркинзи Центар”. Оваа улица се наоѓа во зоната 1, во секторот Дебар маало, вели Маргарита Бакев, директор на ЈП “Паркинзи Центар” Од ЈП “Градски паркинг” пак тврдат дека токму оваа улица е во нивна надлежност за што имале решение Градот Скопје и МВР. -Ние нема да ја тргнеме таблата, бидејќи имаме решение за зонско паркирање за оваа улица од МВР и од Град Скопје, а колку што знам двојни решенија не се издаваат. Треба Паркинизи Центар да си се повлечат, оти нашето решение е важечко ние имаме одобрен проект од Град Скопје. Нашето претпријатие е формирано во 2005 година, а активно работи од 2006 година и досега ниту едно паркиралиште не е на диво, вели Борче Јакимовски, директор на ЈП  “Градски паркинг”. И додека двете претпријатија се во конфликт околу паркиралиштата во Дебар маало, граѓаните остануваат збунети, на кого да му платат за паркинг, а поделбата на улиците останува нејасна. Битка за Дебар маало Чудно е што иако недоразбирањата се одвиваат пред очите на градоначалникот на Центар Владимир Тодоровиќ и пред градоначалникот на Град Скопје Коце Трајановски, ниту еден од нив досега не ги пресече караниците. Минатата година дел од градските советници обвинија дека општинското претпријатие незаконски го добило паркингот позади Соборниот храм, но тогаш градоначалникот Трајановски ги отфрли обвинувањата и објасни дека општинското претпријатие е легално формирано, а паркингот кај Соборниот храм логично било да му припадне на ова претпријатие. И тогаш од “Паркинзи Центар” излегоа со став дека тие ќе стопанисуваат со паркиралиштата на  сервисните и станбените улици на територија на Центар, а во Дебар маало системот на организирана наплата е само на местата со кои никој не стопанисува. Битката за Дебар маало трае цела година. ЈП „Градски паркинг“ уште кога општинското најави дека ќе воведе зонско паркирање на дел од паркиралиштата во оваа наслеба, излезе со став дека нема да ги даде паркинг местата со кои сега стопанисува во Дебар маало, на ЈП „Паркинзи Центар“. Од Градски паркинг тогаш изјавија дека сите паркиралишта во Дебар маало, освен улицата Ленинова биле под нивна надлежност. Неуспешен обид за припојување на претпријатијата Минатата година пропадна иницијативата за припојување на двете претпријатија за стопанисување со паркиралиштата, иако тоа беше  најбезболната варијанта за спас на „Паркинзи на Општина Центар“ од финансиски колапс. Преговорите меѓу Центар и Град Скопје траеа неколку месеци, на иницијатива на двајцата градоначалници. На крајот после неколку месечни преговори “топло –ладно”,  остана нејасно зошто овие претпријатија не се споија во едно. Општинското претпријатие, откако Центар со субвенции му ги покри финансиските загуби, продолжи нормално да работи. Ј.С.Н.