Добивај вести на Viber
Како што денеска информираа од Влада, од една на две години е продолжен рокот во кој државата ќе им дава 100 отсто од социјалната помош на социјално ризични лица на кои им доделила на користење државно земјоделско земјиште. Според владиниот портпарот, Александар Ѓорѓиев, во овој периодот овие лица кои добиле земјоделско земјиште треба да решат дали ќе станат земјоделци или ќе побараат друг излез од беспарицата.
„Во овој период социјалците ќе може да одлучат дали ќе продолжат да се занимаваат со земјоделство. Доколку не одлучат да продолжат да се занимаваат со земјоделство, нема да го изгубат правото на социјална помош“, посочи Ѓорѓиев.
Тој исто така информираше и дека до 30-ти септември е продолжен и рокот за легализација на тракторите и земјоделската механизација.
„Продолжувањето на рокот за легализација на тракторите и земјоделската механизација е со цел земјоделците во поголем обем да го легализираат имотот. Досега за легализација на земјоделска механизација сe поднесени 13.000 барања. Според податоците од Земјоделски факултет има регистрирани од 30.000 до 35.000 парчиња земјоделска механизација која нема регулиран статус“, изјави владиниот пртпарол.
Тој рече и дека очекува земјоделската механизација да биде легализирана, а земјоделците во овој период дека ќе успеат да ги регистрираат своите трактори.
ФФРМ го поздрави одложувањето на роковите
Од Федерацијата на фармери на Република Македонија (ФФРМ) ја поздравија одлуката со која е прифати нивното барање за продолжување на рокот за легализација на трактори.
Според Законот процесот на легализација на тракторите требаше да заврши до 10 април така што сега се продолжува до 30 септември 2013 година. Барањето, како што се наведува во соопштението, ФФРМ го поднесе до Владата врз основа на информациите што ги доби од своето членство дека се уште станува збор за мал број трактори за кои е почнат процесот на легализација на трактори.
Според статистиката Република Македонија располага со 53.606 трактори.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
