ТРЕТА НЕДЕЛА МАРШЕВИ: Денеска протести во 31 град

Добивај вести на Viber

Протестите на иницијативата „За заедничка Македонија“ продолжуваат и денеска во 31 град во Македонија. 

Протести ќе има во Скопје, Струмица, Неготино, Валандово, Гевгелија, Охрид, Крушево, Битола, Ресен, Куманово, Свети Николе, Берово, Кратово и други градови. 

Велат дека протестите се организираат за зачувување на унитарноста на Македонија и целосно отфрлање на Тиранската платформа која ќе значи редефинирање и федерализација на Македонија. 

Од граѓанската иницијатива вчера кажаа дека стотина илјади граѓани во текот на минатата недела масовно излегоа на улиците да ја поддржат иницијативата и изразија голема благодарност за тоа.

„Tоа е огромна доверба кон она за што ние се бориме, она што го застапуваме, но и обврска да продолжиме уште посилно во наредниот период, по енергично, по одлучно кон остварување на нашите цели. Им се обраќаме на политичките партии да не се обедуваат одредени политички елити кои ја прифатија Тиранската платформа повторно да ја вратат на мала врата, односно да го изманипулираат народот за да си ја остварат својата цел“ - рече вчера Богдан Илиевски од граѓанската иницијатива.

Започнува третата недела од маршевите „За заедничка Македонија“. Од иницијативата велат дека сакаат да живеат во држава во која владеат почитта и толеранцијата, а не теснополитичките сплектарења кои Македонија ја водат на патот кон кантонизација и федерализација.