Три дена народот мрзне за победата на ВМРО-ДПМНЕ, Груевски го нема

Добивај вести на Viber

Три дена ВМРО-ДПМНЕ организира целодневни протести пред ДИК каде се изнаредија еден куп говорници, од самото раководство, до министри, пратеници, директори, па и не така познати кадри. Три дена насобраните граѓани стојат на ладно време, чекајќи ДИК да донесе конечна одлука дали се прифаќаат или не приговорите на опозицијата. 

Сепак, во овие три дена не го видовме ниту еднаш да се обрати или барем да ги посети своите симпатизери Никола Груевски, нивниот сакан лидер, за кој ги „искинаа“ грлата овие денови скандирајќи и навредувајќи го половина од македонскиот народ кој гласаше за СДСМ дека се предавници. 

Зошто Груевски досега не се појави и самиот да си ја брани победата која лошата опозиција поддржана од Албанците, Сорос, Масоните, Американците и кој уште не. 

Груевски како иден мандатар не смогна доблест барем еднаш да прошета меѓу напатениот народ кој е уплашен дека некој ќе му ја загрози државата, ниту пак како заштитник на великомакедонските интереси не кажа како планира да ја заштити Македонија од поделби, предавства, федерализации, кантонизации и што се не. 

Одговор на ова прашање немаме, но се надеваме дека Груевски конечно ќе излезе во јавност и ќе докаже дека навистина е лидер, наместо да чека неговите следбеници да ја водат неговата битка.