ТРИ СТАНА, ПАСАТ, ДЕНАРСКИ И ДЕВИЗНИ ДЕПОЗИТИ - каков имот поседува новиот лидер на СДСМ, Димитар Ковачевски
Објавено во: Македонија 13 Декември, 2021 13:24
Три стана, пасат и поло, побарувања, девизни и денарски депозити, акции и удели, ова е накусо имотната состојба на новиот лидер на СДСМ, и иден мандатар, односно кандидат за премиер на земјава, Димитар Ковачевски.
Сето ова може да се види од неговиот анкетен лист, кој тој го пополнил, а е објавен на веб страницата на Антикорупциската комисија.
Овој анкетен лист тој го пополнил како заменик министер за финансии, односно сегашната функција што ја извршува.
Од анкетниот лист се гледа дека Ковачевски поседува прво како личен имот стан со паркинг место од 5.641.074 денари или близу 92 илјади евра. Овој прв стан има 83 метри квадратни и е лоциран во Скопје, а стекнат е со договор за купопродажба во 2018 година.
Исто така како личен имот Ковачевски поседува уште еден стан со паркинг простор во вредност од 3.666.985 денари или близу 60 илјади евра. Тој има 70 метри квадратни, а во анкетниот лист за него е наведено дека е стекнат на друг начин.
Третиот стан со паркинг простор исто така е пријавен како личен имот во неговиот анкетен лист, и чини 5.924.100 денари или 96 илјади евра. Тој стан исто така се наоѓа во Скопје, има 94 метри квадратни и се наоѓа во Скопје, а е стекнат со договор за купопродажба.
Како имот на брачен другар Ковачевски пријавил моторно возило Волсваген пасат од 1,02 милиони денари или 16,6 илјади евра, стекнат со договор за купопродажба, а како негов личен имот е пријавено возило поло од 372 илјади денари.
Ковачевски како имот на брачен другар има и удели од 62 илјади денари, а како негов личебн имот поседува акции од 46.600 денари.
Како личен имот има пријавено и неисплатена дивиденда за лани од 3,5 милиони денари, побарувања по основ на договор, како и неколку побарувања по основ на даден заем.
Како личен имот, имот на брачен другар или имот на деца поседува денарски депозит од 3,8 милиони денари, денарски депозит од 2,6 милиони денари, денарски депозит од 1,5 милиони денари, 1,46 милиони денари, денарски депозит од 1,47 милиони денари, девизен депозит од 24 илјади евра, девизен депозит од 26 илјади евра, како и неколку други поситни девизни депозити.
Има и сеф, трансакциска сметка и кредитна картичка.
Н.Н.Ф.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ФАКТОР НА ДЕНОТ: Владата демантира преговори со Британија за прифаќање азиланти
БОPЕНКА ја заокружува есенската сезона на 5 декември, Светски ден на волонтерите и Светски ден на почвите
Исповед на Надалина, ќерката на актуелниот градоначалник на Кочани која ја преживеа трагедијата: Последната слика на која се сеќавам е луѓе како врескаат, обидувајќи се да излезат
(ВИДЕО) ОГРОМНА ПУКНАТИНА ВО ЛИПКОВО: Жителите се вознемирени
Прекршочна за Менди Ќира и Општина Струга: На прославата за Денот на алабнското знаме изостана македонското знаме
ЛЕКОВИ, ЦИГАРИ, ЖЕСТОКИ ПИЈАЛОЦИ, ЌИЛИМИ - Цариниците со голема заплена, еве каде биле скриени предметите
КАКО ЌЕ ВОЗАТ АВТОБУСИТЕ НА ЈСП ВО ПОНЕДЕЛНИК? Еве како празнично ќе се работи
Се огласи Зоран Заев: Никола, до сега ќе си го одлежеше затворот и ќе беше слободен во Македонија
