Трошоците за ПЦР тестови да ги платат работодавците, еве што договори Филипче со синдикалните лидери
Објавено во: Македонија, Корона Вирус 22 Ноември, 2021
Министерот за здравство, по средбата со синдикалните лидери изјави дека мерката за вакцинирање на вработените важи за луѓето во јавните и приватните институции, а иницијативите дојдоа од претставниците на Стопанските комори.
„Тоа што го побараа претставниците на синдикатот, а ќе биде разгледано на утрешната седница на владата е прво мерката, по моментот за донесување, да важи не 10 дена, туку 15 дена потоа, со цел да се остават уште неколку денови за едукација на членството на синдикатите. Понатаму да бидат дадени два, слободни платени денови за луѓето кои ќе се вакцинираат, денот на вакцинација и следниот ден и последното барање во однос на оние кои не сакаат да се вакцинираат и ПЦР тестот како алтернатива, што треба да се прави секоја недела, наместо на сопствен трошок, да биде на товар на работодавачите”, изјави Филипче.
Овие предлози ќе бидат разгледани на утрешната владина седница.