Трудо поднесе оставка како лидер на партијата, но ќе остане премиер додека партијата не избере негов наследник
Објавено во: Свет 06 Јануари, 2025
Канадскиот премиер Џастин Трудо соопшти дека поднесува оставка на местото лидер на владејачката Либерална партија. Сепак, тој ќе остане на премиерската позиција се додека партијата не избере ново партиско раководство.
„Имам намера да поднесам оставка како лидер на партијата, а како премиер, откако партијата ќе го избере својот нов лидер“, рече денеска 53-годишниот Трудо на прес-конференција во Отава.
Тој истакна дека откако станал премиер во 2015 година, се борел за Канада и нејзиниот народ, за зајакнување и раст на средната класа. Посочи дека одлуката да поднесе оставка ја донел по долги разговори со семејството. Истакна дека неговиот успех бил резултат на нивната поддршка.
„Оваа земја го заслужува вистинскиот избор“ на следните избори, рече Трудо. Исто така, истакна дека станало јасно дека ако мора да води „внатрешни битки“, тој не може да биде најдобриот избор за гласачите во Канада.
Тврди дека Парламентот бил „парализиран со месеци“, што тој го нарекува најдолгата седница на малцинскиот парламент во канадската историја. Според него, тоа е причината поради која на земјата и е потребна нова седница на Парламентот.
Трудо изјави дека претходно се сретнал со генералната гувернерка на Канада и побарал од неа да ја одложи работата на Парламентот до 24 март, што во суштина е суспензија со која се запира работата на Собранието без да се распушти. Аналитичарите сметаат дека оваа одлука и дава време на партијата да избере негов наследник.
Можеби ќе ве интересира
ЦЕНИТЕ НА СТАНОВИТЕ ВО УНГАРИЈА НАЈБРЗО РАСТАТ: За помалку од 10 години се зголемиле дури за 173 отсто
ЕДЕН ИТАЛИЈАНСКИ ГРАД ИМ ЗАБРАНИ НА ЖИТЕЛИТЕ СЕРИОЗНО ДА СЕ РАЗБОЛАТ: Немаат лекари и здравствени работници
„ЌЕ ИСПРАТИ ЛИ ТРАМП ВОЈСКА ЗА АНЕКСИЈА НА ГРЕНЛАНД - НЕ ЈА ИСКЛУЧУВА МОЖНОСТА ЗА УПОТРЕБА НА ВОЕНА СИЛА: Трамп сѐ посилен во неговите намери
НИЗ КИНА СЕ ШИРИ НОВА РЕСПИРАТОРНА ИНФЕКЦИЈА: СЗО смирува „не е закана, тоа е вообичаено“
АНАЛИТИЧАР – ТРАМП ГИ САКА ГРЕНЛАНД, КАНАДА И ПАНАМСКИОТ КАНАЛ, да го кажеше тоа „некој друг“, сега ќе беа во рововите
МЕТА ГО УКИНУВА ПРОВЕРУВАЊЕТО НА ФАКТИ НА ФЕЈСБУК И ИНСТАГРАМ: „Почнуваме во САД“, најави Цукерберг
МАРИН ЛЕ ПЕН ЕДНО НЕШТО НИКОГАШ НЕ МУ ПРОСТИ НА СВОЈОТ ТАТКО: Поради неговите зборови, цел свет ја виде мајка ѝ гола
ПОЧИНА НАЈКОНТРОВЕРЗНАТА ПОЛИТИЧКА ФИГУРА ВО ФРАНЦИЈА: За него „Холокаустот е само обичен детал од историјата, Ромите се смрдливи, еболата е решение...“
ЦРН БИЛАНС ДОАЃА ОД ТИБЕТ, РАСТЕ БРОЈОТ НА ЗАГИНАТИ: Следувале уште 49 потреси по најсилниот
