Царината одбележа 21 година постоење

Добивај вести на Viber

Царинската управа по 21 година прерасна во институција за гордост која ги заштитува економските и финансиските интереси на државата, граѓаните и бизнисот, изјави вицепремиерот и министер за финансии Зоран Ставрески.

Пред денешното одбележување 21 година од постоењето на Царинската управа, Ставрески оцени дека институцијата е на многу високо, европско ниво и можеме да бидеме задоволни од нејзините услуги.

- Царината изминатите години вложи многу напори за подобрување на квалитетот на работењето преку модернизација, спроведување обуки, примена на најсовремени електронски методи за поднесување документи, истакна Ставрески.

Според директорот на Управата Ванчо Каргов, Царината и во 2012 година продолжи со спроведувањето на реформите и обврските, заштита на фискалните интереси на државата, заштита на здравјето и безбедноста на луѓето, обезбедување конкурентен економски амбиент и исполнување на условите за влез во ЕУ.

- Во 2012. Царинската управа спроведе поголем број реформи како во однос на управувањето со човечките ресурси, организацијата и логистиката, така и во унапредување на системите за контрола и примената на законите што резултираше со голем број ефикасни акции за заплени од различен вид. Целосно ги исполни своите цели, но тоа е обврска повеќе да продолжи со ист интензитет и во 2013, напомена Каргов.