ЦАРИНСКИ ОГРАНИЧУВАЊА: Колку пари смеете да изнесете и внесете во Македонија
Објавено во: Економија, Финансии 20 Декември, 2015
Лимитот за внесување ефективни странски пари или чекови изнесува до 10.000 евра, информираат од Царинската управа на Македонија.
Доколку патникот носи странски пари над 10 000 евра во земјата, должен е да ги пријави на царинските органи.
Што се однесува на изнесувањето на девизи надвор од Македонија, мора да се пријави секој износ над 2 000 евра по лице, и да се приложи потврда од овластена банка или менувачница.
Изнесување ефективни странски пари над 10.000 евра од страна на резиденти е забрането.
Доколку изнесуваат ефективни странски пари над 10.000 евра, патниците се должни да ја дадат на увид писмената потврда во која е евидентиран износот при влез од страна на царинскиот орган.
Дозволено е внесување и изнесување на домашни пари до 120.000 денари.
За непријавување или погрешно пријавување пари и чекови кои патниците ги носат со себе, предвидени се казни. Парите привремено се одземаат или запленуваат.
Инаку, само во 2015 година биле откриени 84 обиди за нелегално пренесување преку граница на готови пари во различни валути, во противвредност од околу милион и 113 илјади евра.(Извор: Емагазин)