Целосен прекин на сообраќајот кај новиот кружен тек на улица Лазо Трповски

Добивај вести на Viber

Во текот на претстојниов викенд, екипите на Градот Скопје 20 и 21.04.2013 година ќе го асфалтираат новоформираниот кружен тек меѓу улиците Лазо Трповски и Втора македонска бригада, поради што сообраќајот на оваа крстосница ќе биде во целосен прекин. Автобусите од јавниот градски превоз на автобуската линија со број 9 што сообраќаат кон Топанско поле ќе се движат преку улицата Џон Кенеди и улицата Лазо Трповски, до супермаркетот „Принц“. Во обратна насока, кон Центар, автобусите ќе се движат по улиците Методија Митевски, Благоја Паровиќ и Џон Кенеди  и продолжуваат по својата траса. На линијата со број 18А автобусите ќе се движат по булеварите Словенија и Македонско-косовска бригада, потоа по улицата Џон Кенеди и продолжуваат по својата траса. Додека автобусите со броевите 19, 49 и 81 ќе сообраќаат по улицата Босна и Херцеговина, по крак од улицата Дижонска и продолжуваат по својата траса по улицата Втора македонска бригада. Од Град Скопје апелираат сите учесници во сообраќајот да покажат разбирање додека траат градежните работи на кружниот тек меѓу улиците Лазо Трповски и Втора македонска бригада и да се придржуваат на поставената патна сигнализација.