Ципрас: Бараме решение на проблемите во рамките на еврозоната
Објавено во: Балкан 11 Април, 2015
Грчкиот премиер Алексис Ципрас се обидува да ги смири стравувањата кои може да ги предизвика неговата посета во Москва меѓу европските партнери на Грција, велејќи дека иако Русија да е "стратешки избор" за Атина, грчката влада ќе бара решение на проблемите со долгот во рамките на еврозоната, пишува грчки Kathimerini.
По состанокот во средата со рускиот претседател Владимир Путин Ципрас се состана со својот руски колега Дмитриј Медведев и други официјални руски претставници, како и со патријархот на Москва и на цела Русија Кирил, пишува весникот.
"За Грција, Русија е составен дел од нејзината динамична, повеќеслојна надворешна политика, која има за цел да ја користи геополитичката позиција на Грција на таков начин земјата повторно да добие перспективи за раст и да ја зајакне својата улога на меѓународната сцена", изјави Ципрас во говор пред Московскиот институт за меѓународни односи.
Ципрас истакна дека приоритет на Грција е решавање на финансиските нејзини проблеми во еврозоната. "Ние гледаме на проблемот со кој се соочуваме, како на општ европски проблем и поради оваа причина бараме заедничко европско решение", рече грчкиот премиер.
Во меѓувреме, германската влада ја поздравува исплатата на грчката транша на Меѓународниот монетарен фонд (ММФ) и го опиша како "позитивен сигнал", пренесе AFP повикувајќи се на портпаролката на кабинетот на канцеларката.
Од своја страна портпаролктаа на Министерството за финансии "забележа напредок" во преговорите меѓу Атина и нејзините кредитори, но обрна внимание дека сеуште нема листа со реформи.
Институциите, како што веќе се нарекува тројката кредитори (ЕУ, ЕЦБ и ММФ) на инсистирање на Грција, треба да одобрат патоказ за реформи предложени од грчката влада, за да можат да бидат доделени неколку милијарди евра помош на земјата, чија каса е празна .
Грција должеше 459 милиони евра на ММФ кон 9 април и покрај сомнежите од почетокот на неделава, вчера изврши исплата.