Ципрас: Финансирање од ММФ не ни треба
Објавено во: Балкан 08 Декември, 2015
Грчкиот премиер Алексис Ципрас, смета дека финансирањето, со кое Меѓународниот монетарен фонд учествува во спасувачкиот финансиски план за Грција, не е потребно.
„Мислам дека финансирањето на ММФ на овој план не е потребно“, изјавил Ципрас во интервју за канал „Et1“. „Планот предвидува вкупно обезбедувањето на 86 милијарди евра за три години, што вклучува и 25 милијарди евра за рекапитализација на грчкиот банкарски систем, кој на крајот побарал 5.7 милијарди евра, затоа што има потреба од помалку пари“, изјавил Ципрас.
Според него, исто така, ставот на ММФ „не е конструктивен“.
Тој објаснил дека станува збор за тоа дека финансиската институција сака неприфатливи работи истовремено и од Грците, и од ЕУ. Од едните „најтешките реформи“, а од другите - гаранции за одржливост на грчкиот долг.
Фондот објавил во декември, дека може да одлучи во јануари дали да учествува во заемите за Грција, кои во моментов се финансираат целосно од ЕУ. Фондот учествуваше во претходните два спасувачки планови за Грција, но овој пат сака силна посветеност од Атина за реформите, а од Брисел - за намалување на долгот на земјата.