Ципрас: Се надевам дека ќе поставиме нов почеток во односите со Русија
Објавено во: Балкан 08 Април, 2015
Премиерот на Грција Алексис Ципрас сака нов почеток во односите со Русија.
„Целта на мојата посета е да пробаме да направиме нов почеток. Нов почеток на односите во корист на двата народа, како и за подобрување на стабилноста и безбедноста во регионот“, изјавил Ципрас за време на средбата со рускиот претседател Владимир Путин во Москва.
Денеска рускиот претседател изрази надеж дека посетата на грчкиот премиер ќе помогне во реконструкцијата на претходниот раст на трговската размена меѓу двете земји.
„Минатата година таа се распадна за 40 проценти. Вашата посета доаѓа сосема навреме, бидејќи ние треба да го анализираме она што може да го направиме двајцата, за да ги повратиме претходните стапки на раст“, истакнал Владимир Путин.
Пред 4-дневната посета на Москва Ципрас даде интервју за руската агенција „ТАСС“, во кое вели дека Грција не се согласува со санкциите против Русија, и ги опиша како „пат кој не води наникаде“.
Грчкиот премиер ги посочи и водечките сектори за билатералната соработка, посочувајќи ја конкретно енергетиката, туризмот и земјоделството. Пред неговата посета на Русија се појавија и шпекулации дека целта на неговата посета е Атина да договори финансиска помош и попусти за цената на гасот од Русија.
Освен со Путин Ципрас ќе има средби и со премиерот Дмитриј Медведев и патријархот Кирил.
Можеби ќе ве интересира
НЕ САКАШЕ ДА СВЕДОЧИ ПРОТИВ СИНОТ: Почина мајката на осомничениот за убиството на Данка Илиќ
НЕМА „ПЛАФОН“ ЗА ЦЕНИТЕ ВО ГРЦИЈА - СТАНОВИТЕ НАД 1.000 ЕВРА: Многумина жалат што платиле порано
УШТЕ ЕДЕН ПОЗНАТ БЕЛГРАДСКИ ХОТЕЛ ОДИ НА ПРОДАЖБА: Отворен пред повеќе од 100 години
„УПС, СЕ ИЗВИНУВАМЕ“: Даночната управа на Црна Гора по грешка ја вклучи американската амбасада на листата на најголеми должници
(ВИДЕО) КУЛЕБА И БЛИНКЕН ЈАДЕА ПИЦА ВО КИЕВ: Порачаа дека Русија мора да плати
ВУЛИН: Она што Рама не можеше да го доживее во Тирана, го доживеа во Атина
КАКО АМЕРИКАНСКАТА АМБАСАДА ВО ЕДНА БАЛКАНСКА ДРЖАВА СЕ НАЈДЕ НА ЦРНАТА ЛИСТА НА ДОЛЖНИЦИ - си плаќаат даноци навремено и конзистентно
ШТО ЌЕ ПОДНЕСУВА СИРИЗА ВО ГРЧКОТО СОБРАНИЕ ВО ВРСКА СО МАКЕДОНИЈА ? Еве ги деталите
СЕКОЈ ТРЕТ НЕДВИЖЕН ИМОТ ВО ХРВАТСКА ГО КУПУВА СТРАНЕЦ: Еве ги најскапите квадрати на Јадранот
