Ципрас: Во односите меѓу Русија и Грција има голем потенцијал

Добивај вести на Viber

Во односите меѓу Русија и Грција има голем потенцијал, особено во енергетиката и туризмот, изјавил грчкиот премиер Алексис Ципрас во интервју за „ТАСС“, во врска со претстојната посета на Москва на 8 април.

Според владата на Грција соработката меѓу двете земји има голем потенцијал, особено во областа на енергетиката. „Мислам дека можноста да се зајакне нашата врска е поврзана со туризмот, како и со разни културни манифестации“, објаснил Ципрас.

Во Русија грчкиот премиер ќе се сретне со рускиот претседател Владимир Путин, премиерот Дмитриј Медведев и патријархот. Предвидено е изјавата на Ципрас во еден од најголемите универзитети во Москва. „Од оваа перспектива мислам дека можноста за соработка на ниво на едукација меѓу грчки и руски универзитети исто така е многу важен аспект од зајакнувањето на односите со Русија“, смета Ципрас.

Тој исто така изјавил дека Грција и Русија имаат заеднички корени, заедничка борба, заедничка религија и култура. „Вашата земја има богата култура, а Грција е лулката на светската цивилизација. Мислам дека во овие области можеме да имаме многу специфична комуникација и зајакнување на врските меѓу двете земји“, изјавил Ципрас.

Според него 2016 година ќе биде добра за Грција и Русија и ќе отвори важна можност за развој на односите.