Туневски: Што треба да се случи за “фамилијата” да се откаже од скапиот увоз на струја ?

Добивај вести на Viber

Клучно е прашањето, зошто Владата упорно продолжува да не инвестира во изградба на нови производствени енергетски објекти? Дали причината е интересот на фамилијата да увезува скапа струја ?Македонија во послeдните шест години веќе потроши над една милијарда евра за увоз на скапа струја и нејасно е што трeба да се случи за фамилијата да се откаже од скапиот увоз на струја што го плаќаат сите граѓани, а од кој корист има само фамилијатa, праша Атанско Туневски од СДСМ по седницата на Економско социјалниот совет во партијата. Имено Туневски дополнително посочи и дека во буџетот за следната година повторно не се предвидени средства за  изградба на нови електроенергетски објекти, бидеќи според податоците Владата следната годниа преку Министерството за економија планира да потроши 900 илјади евра за развој на енергетиката, но тие пред се се трошат за плати, патни трошоци, комунални и договорни услуги. За гасификацијата пак преку Министерството за транспорт и врски предвидени се околу 4 милиони евра, што се премали средства. Останува отворено прашањето дали и под кои услови Македонија воопшто ќе се вклучи во изградбата на гасоводот Јужен тек, изјави Туневски, бидејќи како што кажа, Владата има забелешки на предлог договорот од Руската федерација, а во официјалните мапи на гасоводот кракот кон Макеодонија се уште не е вцртан. Ако се усвои предлог буџетот за 2013 година ,тогаш повторно ќе нема никакви активности за изградба на нови производни капацитети, а во предложениот буџет не е земена предвид Стратегијата за развој на енерегтиката во Македонија до 2020 година усвоена од Владата пред три години. Во таа Стратегија се предвидува почеток на работата на нова гасна електрана во Скопје во 2014 година, четврт блок на Рек Битола, Чебрен  во 2018 година, Бошков Мост во 2015 година ,акумулацијата Луково Поле со ХЕ Црн Камен и ХЕ Галиште во 2016 година  и сл. Ниту еден од овие проекти не е започнат да се гради и јасно е дека со ваков предлог Буџет Владата се откажува од реализација на стратегијата за развој на енергетиката која таа самата ја донесе. Токму поради тоа, посочи Туневски, Владата ќе продолжи со скап увоз на струјаи во наредните години. Ако во септември 2012 година беа увезени 40 отсто од вкупните потреби на струја во земјава иако грејната сезона не беше почната тогаш прашање е колку струја ќе биде потребно да се увезе во наредните зимски месеци?  Прашање е дали некој ќе одговара за огромниот пораст на трошоците за производство на струја во РЕК Битола, за неквалитетната брана на ХЕЦ Света Петка но и дали некој ќе одговара за континуираниот пад на домашното производство на струја од РЕК Битола , заврши Туневски.