Турција е најпријателска земја, Германија е најценета држава за македонските граѓани

Добивај вести на Viber

Турција е најпријателска земја, Германија е најдобра држава од аспект на глобална политика. Вакво мислење имаат македонските граѓани според резултатите од истражувањето на Македонскиот центар за меѓународна соработка и институтот за демократија. Тие одговарале на прашањето, за која земја во светот имаат најдобро мислење од гледна точка на глобалната политика, па 14,5 отсто се изјасниле за Германија, 11,2 отсто за САД и за Швајцарија 9,7 отсто.Немаат добро мислење за ниту една земја 7,1 % од граѓаните. 16 отсто од испитаниците пак за најпријателска држава ја посочиле Турција, а по неа следат Србија со 12,2 отсто, САД со 8,2 отсто и Германија 8,2 отсто. Испитувањето на јавното мислење е направено преку теренска анкета во периодот 15 ноември - 1 декември 2013 година на репрезентативен примерок од 1.000 испитаници.  Македонскиот центар за меѓународна соработка (МЦМС) и Институтот за демократија (ИДСЦС) за прв пат го спроведоа истражувањето „Глобално водство, соседство и односи со Бугарија“.