Турција пак врие – Ердоган со солзавец и водени топови против демонстрантите

Добивај вести на Viber

На помалку од три недели до локалните избори во Турција и во момент кога премиерот Реџеп Тајип Ердоган уште се обидува да се справи со корупцискиот скандал во неговата влада, илјадници демонстранти денеска повторно излегоа на улиците на Истанбул и други турски градови со барање за негова оставка. Иницијалната каписла овојпат беше смртта на еден тинејџер кој беше во кома откако полицијата го ране за време на демонстрациите во јуни. Само неколку часа откако беше објавена смртта на 15-годишниот Беркин Елван, синоќа избувнаа масовни инциденти меѓу демонстрантите и полицијата во неколку турски градови, а демонстрациите продолжија и во текот на денешниот ден. Полициските сили со водени топови и солзавец се обиде да ги запре неколкуте илјади демонстранти во близина на истанбулскиот плоштад Таксим. Солзавец и водени топови беа искористени од полицијата и во главниот град Анкара. Елван имаше само 14 години кога на 16-ти јуни лани се најде во средиштето на уличните борби во Истанбул меѓу полицијата и демонстрантите, додека купувал леб за своето семејство. Во глава бил погоден од каписла со солзавец, по што цели девет месеци беше во кома. За неговото убиство биле испитувани неколкумина полицајци, но никој не е обвинет. http://www.youtube.com/watch?v=N06A6DhyZwY Ердоган ги критикуваше демонстрантите кои протестираа денеска, по погребот на 15-годишното момче. „Не е демократски да се настојува да се запалат улиците на 18 дена пред изборите“, рече турскиот премиер, додавајќи дека „каков и да е проблемот тој треба да се реши на гласачките кутии на 30 март“. Тој неодамна најави дека по локалните избори размислува да ја забрани употребата на Фејсбук и Јутјуб во Турција, затоа што, според него, овие интернет страници ги користеле неговите политички противници за да го критикуваат. Засега турскиот претседател Абдула Ѓул тврди дека тоа нема да го дозволи.