ТУРИЗМОТ ВО СЕПТЕМВРИ: Кои гости се побројни, домашни или странски?
Објавено во: Економија 11 Ноември, 2016
Бројот на туристите во септември 2016 година изнесува 84 018, а бројот на ноќевањата изнесува 197 122.
Бројот на туристите во септември 2016 година, во однос на септември 2015 година, е зголемен за 6.1%, а бројот на ноќевањата е зголемен за 7.0%. Ова се гледа од податоците на Државниот завод за статистика. Бројот на домашните туристи во септември 2016 година, во однос на септември 2015 година, е зголемен за
22.7%, а бројот на странските туристи е зголемен за 0.9%. Бројот на ноќевањата на домашните туристи во септември 2016 година, во однос на септември 2015 година, е
зголемен за 21.9%, а бројот на ноќевањата на странските туристи е зголемен за 1.1%.
Во периодот јануари- септември 2016 година, во однос на истиот период од претходната година, бројот на туристите е зголемен за 4.3% и тоа: кај домашните туристи има зголемување за 4.8%, а кај странските има зголемување за 4.0%.
Во периодот јануари- септември 2016 година, во однос на истиот период од претходната година, бројот на ноќевањата е зголемен за 2.3% и тоа: кај домашните туристи има зголемување за 3.3%, а кај странските има зголемување за 0.8%.
Најбројни се Турците, а освен гости од соседството, Македонија ја посетиле и голем број Германци, Британци, Пољаци, Холанѓани, Италијанци, Кинези и други.