Турската лира на историски минимум во однос на доларот и еврото!
Објавено во: Балкан 20 Јануари, 2014
Турската лира попладнево се менува по курс од 2,2436 лири за долар, наспроти петочните 2,2246 лири за долар. Курсот на лирата во однос на еврото изнесуваше 3,0419 турски за една европска валута, наспроти 3,0177 лири за евро во петокот.
Турската централна банка за утре закажа седница на Комисијата за монетарна политика, на која се очекуваат посериозни мерки за да се запре намалувањето на вредноста на турската лира. Една од мерките која се споменува како можна е евентуално зголемување на основната каматна стапка, мерка која централната банка во Анкара досега не ја преземаше, стравувајќи од негативното влијание врз растот на буџетскиот дефицит.