ТУРСКАТА ЛИРА ВО АМБИС: Oва е причината
Објавено во: Финансии 09 Октомври, 2017
Турската лира почна да тоне поради најновите политички збиднувања.
Оваа валута утрoво падна за скоро 2% во однос на американскиот долар, како последица на дипломатските тензии меѓу Анкара и Вашингтон.
Турската национална валута денеска се тргуваше по курс од 3,70 лири за еден долар, наспроти 3,61 лира за долар кон крајот на минатата работна недела.
Турската валута ослабна и во однос на еврото од 4,33 лири во петокот на рекордно ниското ниво од 4,24 лири за едно евро.
Викендов двете земји привремено ги запреа меѓусебните неимигрантски визни услуги поради безбедносни причини.
Мисијата на САД во Турција соопшти дека ја прекинува работата на своите служби за издавање неимигрантски визи во своите американски дипломатски претставништва во Турција.
Како причина е наведено дека Анкара мора да ја „преразгледа“ својата посветеност околу безбедноста на американскиот дипломатски персонал.
Бизнис аналитичарите велат дека визните ограничувања ќе се одразат и на туризмот и на бизнисот.