Турски бизнисмени ќе инвестираат во Македонија

Добивај вести на Viber

Делегација на турски бизнисмени допатува во Македонија за да се запознае со можностите што ги нуди земјава за инвестирање. На средбата со членките на Стопанската комора на северозападна Македонија, беше заклучено дека досегашната соработка со турските компании е добра, но има простор да се подобри. „Како комора можеме да им понудиме техничка поддршка и информации за областа за која се интересираат и да ги поврземе со компаниите кои се наши членки“, изјави потпретседателот на Стопанската комора на северозападна Македонија“, Назми Ејупи. Како што најави Ахмет Шенер од Трејд Турк, компанија која ја организира средбата во Скопје, во април идната година се очекува поголема турска делегација со која ќе се разгледуваат условите за соработка, а со цел подобрување на економската и индустриската соработка меѓу двете земји. Според Шенер, во делегацијата што ќе дојде во април ќе има турски бизнисмен што има намера да гради училиште во Македонија, кое ќе му го подари на Министерство за образование и наука, како и бизнисмени кои веќе изградиле фабрика во Македонија. „Целта на нашата посета е да водиме разговори со челниците на македонската држава и Влада и заедно да разгледаме во кои гранки се најпотребни инвестиции во Македонија“ појасни Зија Ѓувенч, ректорот на Универзитеотот Чанкаја и претседател на Асоцијацијата која брои 1.200 компании Турската делегација која пристигна во посета на Македонија  ја сочинуваа бизнисмени од хемиската индустрија, градежништвото, земјоделството, семенарството, сточарството, производството на мебел и образованието, од регионот Ескишехир.