Турски поток излегува од мртва зона

Добивај вести на Viber

Конечно има раздвижување околу изградбата на "Турски поток", соопшти руското издание "Взгляд". Според нивни информации едни од специјалните бродови - Saipem 7000, кој требаше да ги постават цевките за "Јужен поток" по дното на Црното Море, го напуштил пристаништето во Бургас на почетокот на неделата. Castro Sei - другиот брод на компанијата изведувач на проектот (Saipem) сепак засега останува на пристаништето во Бургас. Двата брода се во Бугарија веќе половина година. Италијанската компанија Saipem првично требаше да ја изгради првата цевка на "Јужен поток" - од рускиот брег до Варна. Компанијата беше најмена од конзорциумот South Stream Transport (SST), која требаше да го исполни морскиот дел на замрзнатите на оваа фаза гасовод. "Гаспром" веќе ги откупи акциите на останатите акционери во SST, макар и формално да не ги известила другите учесници во проектот за крајот на "Јужен поток". Во мај Saipem пак потврди дека рускиот гасен гигант наредил подготовка на изградбата на "Турски поток". Според "Коммерсант" "Газпром" губи по 25 милиони долари на ден од доцнењето на одлуката за изградба. Поради оваа причина и руските медиуми сугерираат дека изградбата на гасоводот ќе почне дури и без формален договор со Турција. За време на Меѓународниот економски форум во Санкт Петербурт на крајот на минатата недела рускиот министер за енергија Александар Новак самоуверено изјави дека изградбата на гасоводот ќе започне кон крајот на јуни. Во меѓувреме и Русија и Грција потпишаа меморандум за соработка за реализација на проектот. Во оваа фаза се очекува до 2016 година да биде изградена првата цевка на проектот. Количествата гас по неа - околу 16 милијарди кубни метри гас годишно ќе биде наменет само за турските клиенти на "Гаспром". Првата цевка ќе излезе на турскиот брег крај селото Кајакеи. Плановите се во наредните години да се реализираат и другите три цевки за проектот, кои треба да преминат преку територијата на Турција до гасниот центар на грчката граница. Од таму европските клиенти на "Гаспром" ќе можат да купуваат руски гас и да го транспортираат до сопствените гасни мрежи. Руската влада ќе ги изврши брзо потребните процедури за одобрување на текстот за меѓувладин договор со Турција за проектот за гасоводот "Турски поток", соопшти рускиот министер за енергија Александар Новак, цитиран од руската новинска агенција ТАСС. Земјите треба да го усогласат текстот на документот до крајот на јуни. "Се оди постепено. Сега добивме дозволи (од Турција), за кои стана збор на средбата на претседателите на Русија и Турција (во Баку). Турција сега ги издаде овие дозволи и ги потврди претходно издадените дозволи за "Јужен поток", прецизира Новак. Сега на следната фаза работиме на проектот за меѓувладин договор. Планираме до крајот на месецот да го усогласат текстот, додаде рускиот министер за енергетика. Според него уште е рано да се зборува за датум за потпишување. Обработка: К.К. Извор: "Взгляд"