„Турски поток“ излегува од мртвата зона?

Добивај вести на Viber

Конечно има раздвижување околу изградбата на „Турски поток“, соопшти руското издание „Взглад“.

По тие информации едни од специјалните бродови - „Saipem 7000“, кој требаше да ги постави цевките за „Јужен поток“ по дното на Црното Море, го напуштил пристаништето на Бургас во почетокот на неделата.

„Castro Sei“ - другиот брод на компанијата изведувач на проектот (Saipem) сепак засега останува на пристаниптето во Бургас. Двата брода се во Бугарија веќе половина година.

Италијанската компанија „Saipem“ првично требаше да ја изгради првата цевка на „Јужен поток“ - од рускиот брег до Варна. Компанијата беше најмена од конзорциумот „South Stream Transport“ (SST), која требаше да го исполни морскиот дел на замрзнатите преговори на оваа фаза на гасовод.

„Гаспром“ веќе ги откупи акциите на останатите акционери во „SST“, макар и формално да не ги известила другите учесници во проектот за крајот на „Јужен поток“.

Во мај „Saipem“ пак потврдија дека рускиот гасен гигант наредил подготовка на изградбата на „Турски поток“. Според „Коммерсант“ „Газпром“ губи по 25 милиони долари на ден од доцнењето на одлуката за изградба. Поради оваа причина и руските медиуми сугерираат дека изградбата на гасоводот ќе почне дури и без формален договор со Турција.

За време на Меѓународниот економски форум во Санкт Петербурт во крајот на минатата недела рускиот министер за енергија Александар Новак самоуверено изјавил дека изградбата на гасоводот ќе започне кон крајот на јуни. Во меѓувреме и Русија и Грција потпишаа меморандум за соработка за реализација на проектот.

Во оваа фаза се очекува до 2016 година да биде изградена првата цевка на проектот. Количествата на гас по неа - кон 16 милијарди кубни метри гас годишно ќе бидат наменети само за турските клиенти на „Гаспром“. Првата цевка ќе излезе на турскиот брег крај селото Каркеи.

Плановите се во наредните години да се реализираат и другите три цевки за проектот, кои треба да преминат преку територијата на Турција до гасниот центар со грчката граница. Од таму европските клиенти на „Гаспром“ ќе можат да купуваат руски гас и да го транспортираат до сопствените гасни мрежи.