Турски сорти ориз успеваат во Кочанско
Објавено во: Агробизнис 27 Август, 2013
Делегација од Република Турција во рамки на работната посета на Кочани денеска ги посети површините ориз на Земјоделескиот институт каде што се реализира проектот за развој на оризопроизводството преку експериментална продукција на 15 различни оригинални турски сорти ориз на површина од 5 декари.
Експертите оценија дека проектот, подржан од Министерстсвото за земјоделство, шумарство и водостопанство и Турската агенција за соработка и координација, ги дава очекуваните резултати што е гаранција за натамошна успешна реализција.
- За општина Кочани и земјоделството воопшто, почнувањето на овој проект е од големо значење. Земјоделците очекуваат значајни придобивки во делот на квалитетнотото производство на арпа и бел ориз и приближување на домашното производство кон турските и европските стандарди, истакна градоначалникот Ратко Димитровски.
Соработката се очекува да продолжи и во наредните години со примена на нови сорти ориз и семенски материјал. Во проектот ќе се вклучат поголем број земјоделци и обработливи површини од Кочанско поле.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
