Турските сорти ориз одлично „фаќаат“ на македонската почва
Објавено во: Агробизнис 28 Септември, 2013
Проектот за пробното производство на турски сорти ориз во Кочанско покажа дека квалитетот на зрното е подобар, даваат поголем принос и порано зреат. Тоа значи дека разултатите се многу над очекуваното, оцени министерот за земјоделство, шумарство и водостопанство, Љупчо Димовски, при денешната посета во Кочани.
- Министерството за земјоделство, шумарство и водостопанство го прифати проектот на Турската агенција Тика и пролетва на површини под ориз од пет декари на Земјоделскиот институт се насеани 15 турски сорти ориз. Исто така на површините на 20 земјоделци во Кочанско се насеани пробни колични на турски сорти ориз -истакна министерот Димовски.
Тој додаде дека соработката ќе продолжи како проект и идната година и ако се потврдат очекувањата во приносите и квалитетот ќе продолжи производството.
Според него турскиот пазар е голем па оттука и пласманот на оризот ќе се реализира во целост и нема да треба како досега да бараме пазари за извоз.
Посетата на министерот Љупчо Димовски се реализира во рамки на стопанско културната манифестација Денови на Кочанскиот ориз.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
