Добивај вести на Viber
Турција, Индонезија и Исламската банка за развој ги зголемија напорите да создадат мега банка која ќе служи како централна банка за исламските кредитори. Ова го соопштил турскиот вицепремиер Али Бабаџан во време на економска средба во Турција, цитиран од весникот „Хуриет“.
„Турција е подготвена да вложи 300 милиони долари од својот капитал за создавањето на банката“, изјавил тој за време на настанот и додал дека целта на Банката е да им помогне на исламските кредитори да управуваат со нивните парични текови.
Новата банка, која треба да има и статус, сличен на оној на централна банка, исто така, може во иднина да вклучува и можности за инвестициското банкарство, додал тој.
Бабаџан исто така изјавил дека „претставниците на Индонезија исто така ја покажале својата намера да го мобилизираат истото количество (300 милиони долари). Некои кредитни институции исто така, сакаат да се дел од банката“ и додал дека според него последната меѓународна финансиска криза покажала дека „бескаматните финансиски методи се многу посигурни, многу стабилни, многу посилни“.
Вицепремиерот додал дека во моментов има 300 исламски финансиски институции во 75 земји низ светот.