Туск: Вие ја завршивте работата, сега на ред е ЕУ

Добивај вести на Viber

Северна Македонија ја заврши работата, сега вие завршете ја својата работа, им порача на европските лидери од Скопје, Доналд Туск, претседателот на Европскиот совет на заедничката прес конференција со премиерот Зоран Заев. Туск не штедеше на зборови кога зборуваше за напредокот на оваа Влада за евроинтеграциските процеси, но на прес конференцијата не беа дозволени новинарски прашања. Заев и Туск заминаа веднаш по воведните обраќања.

За премиерот, Туск е еден голем пријател на нашата земја – Заев рече дека тој цело време ја промовирал потребата Северна Македонија да добие датум.

„Го запознавме претседателот Туск со се што направиме во последните 2,5 години, но и што е направено во земјава во изминатите 15 години. Очекуваме датум за преговори во октомври и очекуваме со пристапните преговори да велземе во едно трансформациско патување кон членството во ЕУ. Случајот Рекет и сличните на него се само еден силен тест, а неговото разрешување ќе ја потврди независноста на судството, рече Заев.

Туск рече дека напорите на нашата земја биле извонредни.

„Вашата земја направи се што треба да се очекува. Тоа продлжува да биде мој цврст став. Вашата земја направи се и токму затоа дојдов во Северна Македонија. Не постои сомнеж во Брисел кон вашата определба за борба против корупцијата. Вашата Влада е одлучна и во врска со работата на СЈО. Процесот за пристап во ЕУ во овој маратон, знам дека има посветени учесници за да ја постигнат целта. Ова е потребно, но потребно е и трпение. Немам сомнеж дека поседувате повеќе од доволно од квалитетите. Секој треба да го цени тоа. Затоа им велам на лидерите од ЕУ, сега вие завршете ја вашата работа, Северна Макеоднија ја заврши својата работа, рече Туск.