(ОБНОВЕНО) УАПСЕН ЕКС ДИРЕКТОРОТ НА ЕСМ ВАСКО КОВАЧЕВСКИ: Голема акција на МВР, 29 лица се уапсени

Добивај вести на Viber

Министерството за внатрешни работи (МВР) утринава реализираше голема акција во рамките на која се уапсени 29 лица, меѓу кои и поранешниот директор на ЕСМ, Васко Ковачевски. Преку нивното здружување нанеле штета од 6,5 милиони евра

Големата истрага на МВР е поврзана со работењето на РЕК Битола, ТЕЦ Осломеј и во ТЕЦ Неготино. Покрај Ковачевски, кој важеше за еден од најблиските соработници на Зоран Заев, меѓу уапсените се наоѓаат и други физички и четири правни лица.

На списокот на осомничени е и Васко Стефанов, кој го наследи Ковачевски на позицијата генерелен директор на ЕСМ.

Со акцијата е опфатен и Пеце Матевски од Битола, поранешен директор на РЕК Битола.

Стефанов и Матевски се осомничени дека помогнале да се злоупотреби постапка за јавен повик, како членови на злосторничко здружение.

Комерцијалниот директор на ЕСМ, Ардијан Муча, пак, е осомничен за кривичното дело Злоупотреба на службена положба, дознава Плус инфо.

МВР најави подетални инфоирмации за подоцна.  

-Во тек е полициска акција во координација со ОЈО ГОКК. По завршувањето на истата ќе ја известиме јавноста, велат од МВР.