Во групата има најмалку еден македонски државјанин за кои италијанските власти тврдат дека поседувал оружје и бомби, кои ги продавал на Балканот.
Поединци од оваа група биле инволвирани во вооружениот напад во Куманово во мај 2015 година во кој загинаа 8 полицајци и десетина членови на групата.
Италијанската полиција две години ги следела контактите меѓу Коза Ностра и парамилитантната организација која е активна на Балканот, објави обвинител од одделот за борба против мафијата во Палермо кој координирал со акцијата.
Сите уапсени од страна на италијанската воена полиција се обвинети за транснационално криминално здружување, шверц со мигранти преку балканската рута, трговија со оружје и перење пари.
Според истрагата се работи за две различни оперативни структури кои функционирале независно една од друга, но сепак претставувале една организација поради што дури по две години италијанските власти успеале да ја завршат истрагата.
Во истрагата биле вклучени правосудни органи од неколку балкански земји меѓу кои и од Македонија.
Италијанските медиуми објавија дека меѓу приведените се Фатмир Латифи, Дритон Реџепи, Арбен Реџепи, Џемшит Вершевци, Франко Мапели, Тизиано Мапели, Салваторе Морело, Габриеле Торез, Дарио Вителаро, Луан Добјани, Ибраим Латифи, Јениа Арене, Ѓузепе Ѓанросино, Џемил Џафери, Денис Никци и Уран Амети.
