Уапсен третиот киднапер на обвинителот во Истанбул
Објавено во: Балкан 01 Април, 2015
Полицијата го привела третиот киднапер на турскиот обвинител Мехмет Селим Кираз во Истанбул, објавија локалните медиуми.
Другите двајца биле ликвидирани при престрелката, со која се стави крај на заложничката драма, која траеше речиси 9 часа.
Членови на забранетата Левичарската организација „Револуционерен фронт за народно ослободување“ влегле вчера во судот, каде се судеше за случајот за смртта на 15-годишно момче, повредено од полициско насилство за време на протестите во јуни 2013 година.
Тие го зедоа како заложник обвинителот во случајот и побараа одговорните полицајци јавно да признаат на телевизија за смртта на момчето. По повеќечасовини преговори органите на редот влегле во собата и отвориле оган. Двајца од киднаперите загинале, а заложникот бил тешко повреден и починал подоцна од повредите во болница.