Убијте го стресот за помалку од една минута

Добивај вести на Viber

Сите имаме лоши денови. Лош ден на работа, расипан компјутер, поскапен бензин, повисоки цени и така натаму... Сите оние мали но и поголеми ситуации кои секојдневно ни се случуваат, предизвикуваат стрес, а телото не разликува мал од голем стрес. Еве неколку совети како да се ослободите од стресот на начини за кои не е потребно повеќе од минута. Смејте се Поедноставно не може да биде. Научно е докажано дека смеењето брзо го подобрува расположението, а гласното смеење дури е и добро за срцето. Разиграјте се Пуштете некоја весела песна, разиграјте се како да е тоа последен ден. Никој не ве гледа, нема од што да се срамите и плашите да уживате во музиката на свој начин. Арома на портокал или лаванда  Докажано е дека мирисот на портокал го поправа расположението, а истото важи и за лавандата. Џвакајте гума за џвакање Оваа активност е добра за непцата, но освен тоа и ве опушта и ја намалува напнатоста и стресот. Замислете дека сте најдобри Науката вели дека ако се замислиме дека сме најдобри на светот, дека сме мирни, опуштени, полни самодоверба и без грижи, ќе бидеме посреќни, дури и кога сме многу далеку од тоа да бидеме баш такви. Опкружете се со зелено  Психолозите велат дека зелената боја симболизира среќа и дека може да предизвика такви чувства. Облечете зелен џемпер, земете зелено пенкало, погледнете кон зелените цвеќиња... Запалете свеќа За ова веројатно веќе знаете – пламенот може да го согори стресот и да ви помогне да се чувствувате подобро. Изедете коцка чоколадо Многу пати е докажано дека само еден ред чоколадо (она побогато со какао) може да ве направи среќни. Не верувате? Пробајте!