УЧЕНИЦИТЕ ЌЕ СЕ ТЕСТИРААТ НА КОВИД - Филипче соопшти дека скринингот ќе опфати 8.200 деца

Добивај вести на Viber

Со согласност од родителите, учениците во основните училишта од прво до петто одделение, како и од шесто до деветто одделение и учениците од средните школи ќе бидат тестирани за присуство на вирусот Ковид 19. Во методологијата се опфатени околу 8200 деца, пропорционално дистрибуирани по општини според број на ученици. Планирано е скрининот да трае 5 дена и дневно да се тестираат по околу 1600 деца, во самите училишта кадешто мобилни екипи ќе одат на терен и ќе го вршат тестирањето за време на часовите.

Учениците ќе се бираат по случаен избор од регистарот на Е дневник, а родителите ќе треба да потпишат согласност за учество на тестирање на децата. Доколку некој од родителите одбие, ќе има заменски примерок од каде ќе се избира следното дете за тестирање. - изјави денеска министерот за здравство д-р Венко Филипче.

Децата од посебните училишта и училиштата каде просечниот број на ученици во одделение е помал од 10 деца ќе бидат исклучени од овој процес од причина што станува збор за помали рурални места каде учат многу мал процент од сите ученици и во места каде инциденцата на вирусот е многу ниска.

Децата од посебните училишта и училиштата каде просечниот број на ученици во одделение е помал од 10 деца ќе бидат исклучени од овој процес од причина што станува збор за помали рурални места каде учат многу мал процент од сите ученици и во места каде инциденцата на вирусот е многу ниска.

Инаку, на денешната пресконференција министерот Филипче информираше дека состојбата со коронавирусот во земјава е стабилна, имаме повеќе денови речиси идентичен број на новодијагностицирани, меѓу 450 и 500, а бројот на хоспитализирании пациенти се намалува насекаде низ државата. Пациентите се сместени само во инфективните одделенија. Во Скопје болницата за оториноларингологија и болницата Козле, веќе се враќаат во нормална работа и се празнат капацитетите, така што во Скопје остануваат хоспитализирани во Инфективната клиника и двата први ката од Интерната клиника. Односно, денеска има вкупно околу 580 хоспитализирани пациенти, и тоа покажува тренд на намалување. 

Досега вкуупно се вакцинирани 789.000 граѓани, од кои 734.000 се ревакцинирани, што прави да 47 отсто од полнолетната популација во земјава примила најмалку една доза од вакцината, а вкупно 38,2 отсто. Најмногу полнолетни со две дози се во Вевчани, 72 отсто, и под 30 отсто се Липково, Македонска Каменица и Ново Село. Видовме како тоа се рефлектираше врз болниците. Вакцини има сосем доволно, 260 илјади дози на Фајзер, 45 илјади дози Синовак, 100 илјади дози од АстраЗенека. Од петокот повеќе не функционира А1 Арена Борис Трајковски, така што сега функционираат седум вакцинални пункта низ државата.  

Анализата ја покажува ефикасноста на вакцината, околу 77 отсто од новозаболените и 79 хоспитализиранитер, се невакцинирани. Во септември 85 отсто од заболените биле невакцинирани.

Н.Н.Ф.