Угина едната слоница во скопската ЗОО, со багери ја носеле на закоп
Објавено во: Македонија 07 Август, 2024
Пред неколку дена угинала слоницата во скопската ЗОО,која не ја извести јавноста за овој случај.
Неколку дена се правеле планови како да биде изнесено умреното животно надвор од градината и каде да се закопа.
Утрово, околу 08 часот започна и акцијата за „тивко“ изнесување на слоницата.
Според снимките на „Скопје1“, со два багери и камион, слоницата е изнесена од зоолошката.
Според информации на „Скопје1“, слоницата е однесена на депонијата Дрисла.Инаку во изминатите три години угинаа сите три жирафи,една по друга, без да дочекаат старост во скопската зоолошка градина.
Фото: Скопје 1