УЈП НЕ ЗАПЕЧАТИ НИТУ ЕДЕН КАМ МАРКЕТ: Се контролираат и други, некои трговци наплатуваат ДДВ
Објавено во: Економија 23 Март, 2022 14:02
Завршила контролата која Управата за јавни приходи (УЈП) ја вршеше во КАМ маркетите, соопштија попладнево од Управата. Тврдат дека не е утврден сторен прекршок и дека ниту еден маркет не е затворен, ниту пак до овој момент има изречено казни кон овој даночен обврзник. Се соопштува дека освен во КАМ вршеле контрола и во други продавници и поголеми синџири маркети, а кај некои има прекршувања во однос на пресметката на Данокот на додадена вредност (ДДВ) кој согласно најновите законски измени се пресметува со 0 стапка кај основните производи.
„Законска обврска на УЈП е да го штити интересот на граѓаните и на државата. Во таа насока а по пријава на граѓани и институции, УЈП започна со надворешна контрола, согласно законот за увид во состојбата со залихите на трговската стока во магацините и продавниците, се со цел да се утврди фактичката состојба и да се изврши споредба со книговодствената евиденција. Со првичниот и прелиминарен увид на терен, инспекторите утврдија дека дел од малопродажните објекти не само КАМ маркет, туку и кај некои други маркети на големите ланци, се пресметувалo 5% ДДВ за основните производи за храна. Дел од маркетите, продавале масло за јадење, свежо говедско месо, ориз и млеко со пресметан данок на додадена вредност што пак е спротивно на одлуката на Владата и на измените во Законот за данок на додадена вредност, стои во соопштението од Управата за јавни приходи.
Додаваат дека контролите се вршат без селекција и дека се контролира правилното искажување на приходите и трошоците од работењето кај даночните обврзници кои покажале отстапки по однос на примената на даночната стапка, односно со намалување на ДДВ од 5 на 0%.
Инспекторите постапуваат по пријави на граѓани и извршуваат увид и контрола, секаде каде што веќе имаше укажување и сомневање дека постојат индиции за непочитување на законите при работењето.
„Управата за јавни приходи ќе продолжи со континуирани контроли на терен се со цел заштита на стандардот на граѓаните. Целта на контролите не е да се казнува, туку да се укаже на сите даночни обврзници дека законот мора да се почитува. УЈП и инспекторите не познаваат ниту политичка, ниту верска, ниту пак национална различност. Контролите се вршат исклучиво и само во насока на почитување на Законите и за заштита на стандардот на граѓаните, пишува во известувањето.
Контролата во КАМ маркетите стартуваше од завчера попладнето, а по пријавите дека во нив има залихи на масло за јадење кое се доделуваше гратис, а на полиците немаше масло за продажба. Во исто време се контролираше и за примената на новата стапка на ДДВ. Завчера вечерта сите КАМ маркети беа залепени со жолта лента, за да се задржи фактичката состојба додека траеше контролата.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Кога е најдобро време да купите половен автомобил - во овој дел од годината можете да заштедите до неколку стотици евра
Русите пресметаа и објавија колку пари изгуби ЕУ поради санкциите
ПОЧНА РЕКОНСТРУКЦИЈАТА НА СКОПСКАТА ЖЕЛЕЗНИЧКА: Колку време ќе трае и колку чини проектот за новиот изглед?
Плати во плик, кеш промет и скриени приходи – УЈП со засилени контроли
(ВИДЕО) „ОВА Е НЕРЕАЛЕН БУЏЕТ“: Битиќи вели дека предлог буџетот за 2026 година му изгледа на предизборен
Повеќето милијардери живеат во оваа европска земја: Додека беснее економската криза, нивното богатство се зголемува
Скијачки центар во Србија каде што врне снег како на Копаоник, а викендот чини помалку од гориво: Mесто без гужви и високи цени
