27 Мај, 2018
0.4043
    ALK 7872.21    -0.65%     BESK 8017.33    3.6%     GRNT 748.68    4.56%     KPSS 300    -36.31%     MPT 31000.31    0%     OHB 6396.66    -0.83%     REPL 62000    0.81%     RMDEN13 96.7    0.73%     RMDEN14 96.1    0.63%     RMDEN16 95.5    0%     RZIN 125    4.17%     SBT 1951    -0.61%     SLAV 3600    0%     STB 1015.5    -0.27%     STBP 1180.55    5.3%     STIL 130    -0.94%     TEL 278.08    2.99%     TNB 12929.5    -4.14%     TTK 881.96    2.88%     UNI 2360    -0.04%     USJE 23003    -0.63%     ZPKO 2857    0%

Укинатата царинска давачка за увоз на замрзнато свинско месо ќе ја зголеми конкурентноста на месната индустрија

Објавено во: Агробизнис 09 Мај, 2018

Владата на вчерашната седница ја усвои одлуката за времено укинување на увозната давачка-специфичната и царинската стапка по вредност за замрзнато свинско месо и други производи од свинско.

Оваа одлука е привремена и ќе важи до 15.11.2018 година, а количините се утврдени на ниво од 50% од утврдените потреби за суровини на домашната индустрија, од страна на Стопанската комора на Република Македонија, Групацијата за производство на месо и преработки од месо, врз основа на фактурираната и наплатена реализација во претходната година.

Укинувањето на царинската стапка за замрзнато свинско месо и други производи од свинско ќе овозможи да се зголеми извозната конкурентност на домашната индустрија за производство на преработки од месо, што ќе влијае на зголемување на обемот на производство, извозот и искористеноста на капацитетите и зголемување на бројот на вработени во домашната индустрија за месо.

Изминатиот период Владата имаше интензивни средби со сите чинители во месната индустрија, со цел да се донесе соодветно решение од заеднички интерес и за месната индустрија и за домашните одгледувачи на свињи.

Оваа одлука нема да ги наруши домашното производство на свежо свинско месо, бидејќи се работи за времена мерка, увозот на замрзнато свинско месо и други производи од свинско ќе биде строго контролиран и наменет исклучиво за потребите на месната индустрија како суровина.

Агенцијата за храна и ветеринарство и сега и во иднина ќе спроведува редовни контроли кај операторите што увезуваат замрзнато свинско месо и во малопродажба, се со цел да се обезбеди квалитетен производ за потрошувачите, и ова месо да се употребува исклучиво за неговата намена за месната преработувачка индустрија.

Анализите покажаа дека Република Македонија има многу повисоки царински стапки на замрзнато месо од соседните земји, што ја прави домашната индустрија понеконкурентна во однос на земјите од регионот. Како резултат на тоа, производството на преработки од месо во 2016 година е намалено за 25% во однос на 2013 година, а капацитетите работат со 28 отсто искористеност. Вкупниот извоз на преработки од месо изминатите години континуирано се намалува,  во 2016 година е намален за 26% во однос на 2012 година, додека увозот пак на преработки од месо во истиот период бележи раст од 22%. Од друга страна, домашните производители на свинско месо не можат да ги задоволат потребите на месната индустрија со свинско месо.  Со донесувањето на ваквата одлука се очекува дека производството на трајни и полутрајни производи од свинско месо за шест месеци ќе се зголеми за околу 3.000 тони а извозот за околу 10%, што крајно ќе доведе до зголемување на бројот на вработени во  домашната месна индустрија за околу 25%.

Можеби ќе ве интересира

Прв пат после пет години Македонија со свој штанд на саемот „Agrobalt“ во Вилнус, Литванија

Прв пат после пет години Македонија со свој штанд на саемот „Agrobalt“ во Вилнус, Литванија

СУПЕР БИЗНИС: Добар принос без ниту една машина

СУПЕР БИЗНИС: Добар принос без ниту една машина

Тутунарите денеска ќе ги „преплават“ банките

Тутунарите денеска ќе ги „преплават“ банките

Лубениците и праските ќе ги опарат градинарите

Лубениците и праските ќе ги опарат градинарите

ТУТУНАРИТЕ ТРИЈАТ РАЦЕ: Колку се офајдија од субвенции?

ТУТУНАРИТЕ ТРИЈАТ РАЦЕ: Колку се офајдија од субвенции?

ФАО ќе и помага на Македонија при отпочнување на преговорите со ЕУ и отворање на поглавјата за земјоделство, рурален развој и безбедност на храна

ФАО ќе и помага на Македонија при отпочнување на преговорите со ЕУ и отворање на поглавјата за земјоделство, рурален развој и безбедност на храна

Николовски: Македонија дава силен придонес во процесите на зачувување на пчелите, како важна гранка за земјоделството и животната средина

Николовски: Македонија дава силен придонес во процесите на зачувување на пчелите, како важна гранка за земјоделството и животната средина

СТРУКТУРА НА ИЗВОЗОТ И УВОЗОТ НА ЗЕМЈОДЕЛСТВОТО

СТРУКТУРА НА ИЗВОЗОТ И УВОЗОТ НА ЗЕМЈОДЕЛСТВОТО

Од денес тутунарите ќе прават редици во банките

Од денес тутунарите ќе прават редици во банките