Уште еден партнер откажа лојалност на ВМРО-ДПМНЕ
Објавено во: Македонија 28 Март, 2018
Премиерот Зоран Заев денеска најави дека во тек се разговори со Турската демократска партија за проширување на парламентарното мнозинство и верува дека до вторник ќе бидат завршени разговорите.
„Оваа партија веќе дава поддршка на законските решенија и соработката не е условена со некои места, но треба да се заокружи. Размислувам и за средби со БЕСА и тоа со двете групи. Се надевам дека ќе најдат нешто што ќе ги спои во една, бидејќи гледам дека пратениците соработуваат меѓу себе. Потоа ќе се разговара и со пратеници кои се во опозиција“ – рече Заев.
Премиерот веќе извесно време зборува дека мнозинството ќе се окрупнува.