УСТАВНИТЕ АМАНДМАНИ „НА ПАТ“ ДО СОБРАНИЕ: Рокот за промена на Уставот се ближи

Добивај вести на Viber

Предложениот нацрт амандман на Уставот на Македонија, а кој е во согласност со договорот на Македонија и Грција од Преспа, би требало до крајот на неделата да се најде во Парламентот, најави премиерот Заев.

Тој тоа го кажа по состанокот со министерката за правда Дескоска и министерот Димитров, но и на средбата со осумте исклучени пратеници од опозицијата.

Заев истакнал дека пред амандманите да стигнат во собрание, за нив ќе се консултира со сите парламентарни групи, за да го испочитува законскиот рок од 15 дена кој Владата го даде и кој истекува в сабота.

-Ги подготвуваме измените и дополнувањата на амандманите , и пред официјално да ги пратиме во собрание, уште еднаш ќе ја консултираме новоформираната парламентарна група. Очекуваме официјално да бидат претставени во Собранието до крајот на неделата-кажал Заев.

Почеток на процедурата

Парламентот пред две недели го изгласа почетокот на процедурата на уставните промени на името на државата, согласно со договорот постигнат со Грција.

Расправата, која траеше од понеделник, продолжена е во петок попладне, па, по паузата, по 22 :00 часот се пристапи кон гласање.

Заев успеа да собере двотретинско мнозинство (80 гласа) потребни за да почне со процесот на дополна на Уставот со промената на името кое и го вети на Грција.

На владеачката коалиција, која има 72 пратеници, и се придружиле осум пратеници на опозициската ВМРО ДПМНЕ.